धादिङ । नीलकण्ठ नगरपालिका र सिद्धलेक गाउँपालिकाबीच मैत्रीपूर्ण पुरुष कबड्डी प्रतियोगिता हुने भएको छ।
धादिङ जिल्ला खेलकुद विकास समितिले धादिङ जिल्ला कबड्डी संघको व्यवस्थापनमा यही फागुन ७ गते राष्ट्रिय प्रजातन्त्र दिवसको अवसर पारेर नीलकण्ठ र सिद्धलेकबीच मैत्रीपूर्ण पुरुष कबड्डी प्रतियोगिता आयोजना गरेको धादिङ जिल्ला खेलकुद विकास समितिका अध्यक्ष प्रताप सिं तामाङले जानकारी दिनुभयो ।
खेल नीलकण्ठ नगरपालिका-३ धादिङबेसीस्थित कभर्डहल परिसरमा हुने तामाङले बताउनुभयो ।
प्रतियोगितामा विजयी टिमलाई ट्रफी, मेडल तथा प्रमाणपत्र वितरण गरिने र उपबिजेता टिमलाई प्रमाणपत्र प्रदान गरिने अध्यक्ष तामाङको भनाई छ।
खेलकुदको विकास तथा स्थानीय प्रतिभालाई प्रोत्साहन गर्न प्रतियोगिता आयोजना गरिएको उहाँले बताउनुभयो।
धादिङ आवाज डट कम - विकास विचार र ताजा समाचारको स्वतन्त्र खुराक
