काठमाण्डौ ।चारदेशीय अन्तर्राष्ट्रिय महिला फुटबलमा आज नेपाल र लेबनान तथा म्यानमार र किर्गिस्तानले खेल्दैछन् ।
आजको पहिलो खेल दशरथ रङ्गशालामा म्यानमार र किर्गिस्तानबीच दिउँसो दुई बजे र दोस्रो खेल नेपाल र लेबनानबीच बेलुका ६ बजे शुरू हुनेछ ।
म्यानमार र नेपालले सोमवार भएको आफ्नो पहिलो खेल जितेका थिए । नेपालले पहिलो खेलमा किर्गिस्तानलाई एक गोलले हराएको थियो ।
म्यानमारले लेबनानलाई ३–१ गोलले पराजित गरेको थियो ।आजको खेलमा नेपाल र म्यानमार दुवै विजयी भएमा अन्तिम खेल खेल्नुअघि नै फाइनलमा पुग्नेछन् । फाइनल खेल यही फागुन १४ गते हुनेछ ।