धादिङ । सिद्धलेक गाउँपालिका–२ स्थित नलाङमा महिला/पुरुष मिनि म्याराथुन दौड प्रतियोगीता हुने भएको छ ।
चक्रदेवी सामुदायिक समाज नेपालको आयोजना तथा द यिअर्ली ट्रष्ट,नलाङ मोडेल एकेडेमी, नेपाल एडुमेडिक ट्राभल एण्ड ट्रेकिङ कम्पनीको संयोजनमा महाशिवरात्रिको अवसरमा फागुन १४ गते नलाङ ठाँटी भञ्ज्याङदेखि सिद्धबाबा मन्दिरसम्म मिनि म्याराथुन प्रतियोगीता हुने भएको हो।
‘धार्मिक एवं ऐतिहासिक स्थलहरुको संरक्षण र पर्यटन प्रवर्धनमा युवाहरु’ भन्ने मुल नाराका साथ हरेक बर्ष शिवरात्रीको अवसरमा संचालन हुँदै आएको मिनि म्याराथुन दौड यस वर्ष पनि आयोजना गरिएको आयोजकले जनाएको छ।
प्रतियोगितामा ४ समुह बिभाजन गरिएको छ।
जसमा पुरुष १५ वर्ष भन्दा माथी, महिला १५ वर्ष भन्दा माथी, पुरुष १५ वर्ष भन्दा मुनि र महिला १५ वर्ष भन्दा मुनि रहेको आयोजकले जानकारी दिएको छ ।
वडा नं २,नलाङ ठाँटी भञ्ज्याङवाट बिहान ८ बजेबाट सुरु भई सिद्धबाबा मन्दिर सिद्धलेकमा समापन हुने दौडमा प्रथम, द्धितिय, तृतीय र सान्तवना हुनेलाई नगद, प्रमाणपत्र र मेडल प्रदान गरिने आयोजकले जनाएको छ।
सहभागिहरुलाई जर्सि वितरण गरिने र सहभागिहरुलाई सिद्धबाबा मन्दिरमा नास्ताको समेत व्यवस्था गरिएको आयोजकले जानकारी दिएको छ ।
प्रतियोगीताबारे थप जानकारीको लागि : नलाङ मोडेल एकेडेमी
९८४३०५०१४४, ९८४६०४१७१८, ९८६१३७७६२२
धादिङ आवाज डट कम - विकास विचार र ताजा समाचारको स्वतन्त्र खुराक
