काठमाण्डौ । चारदेशीय वुमन्स डे कप टी–२० अन्तराष्ट्रिय क्रिकेट प्रतियोगिता अन्तरगत तेस्रो स्थानका लागि आज नेपालले हङकङसँग खेल्दैछ ।
खेल दिउँसो पौने १ बजे शुरु हुनेछ ।
शृङ्खलामा ६ खेल खेलेको नेपालले समूह चरणमा दुई खेल मात्रै जित्न सक्यो ।नेपालले शुक्रवार भएको लिगको अन्तिम खेलमा हङकङलाई छ विकेटले पराजित गरेको थियो भने एक खेलमा घरेलु टोली युगान्डालाई हराएको थियो ।
नेपालले आज हङकङसँग तेस्रो स्थानको प्लेअफका लागि खेल्न लागेको हो ।
आजै घरेलु टोली युगान्डा र नामिबियाले फाइनल खेल्दैछन् । लिग चरणमा आयोजक युगान्डाले छ मध्ये चार र नामिबियाले तीन खेल जितेका थिए ।
धादिङ आवाज डट कम - विकास विचार र ताजा समाचारको स्वतन्त्र खुराक
