धादिङ । गजुरी गाउँपालिका(२ रातामाटेबाट अवैध लागूऔषध गाँजासहित २ जना पक्राउ परेका छन्।
पक्राउ पर्नेहरूमा गजुरी गाउँपालिका-३ वालसिङ्ग बस्ने २३ वर्षीय सुनिल तामाङ र ३५ वर्षीय दिल बहादुर तामाङ रहेको प्रहरीले जनाएको छ।
सोमबार इलाका प्रहरी कार्यालय गजुरीबाट खटिएको प्रहरीले राक्सीङबाट चालिसेतर्फ आउँदै गरेको बा ९३ प ३३४० नम्बरको मोटरसाइकल रोकी चेकजाँच गर्दा करिब ६ किलो ९ सय ग्राम गाँजा फेला पारी पक्राउ गरिएको प्रहरीले जनाएको छ।
पक्राउ परेकाहरुलाई धादिङ जिल्ला अदालतबाट ८ दिनको म्याद थप अनुमती लिई अनुसन्धान कार्य भईरहेको प्रहरीले जनाएको छ।
धादिङ आवाज डट कम - विकास विचार र ताजा समाचारको स्वतन्त्र खुराक
