२०८१ चैत्र २०, बिहिबार

बालबाललिकालाई शैक्षिक तथा खेलकुद सामाग्री सहयोग

  • धादिङ आवाज
  • २०८१ चैत्र ६, बिहिबार
बालबाललिकालाई शैक्षिक तथा खेलकुद सामाग्री सहयोग

धादिङ । प्रयत्नशील सामुदायिक विकास समाज (प्रयास नेपाल) धादिङले २४ औं स्थापना दिवसमा बालबाललिकालाई शैक्षिक तथा खेलकुद सामाग्री सहयोग गरेको छ।

जिल्लाको बिभिन्न गाउँपालिकाहरुमा सामाजिक गतिविधि संचालन गर्दै आएको प्रयास नेपालले बुधबार सिद्धलेक गाउँपालिका वडा नं १ मा अवस्थित जलेश्वरी आधारभूत बिद्यालयमा अध्ययनरत ४५ जना बालबाललिकाहरुको लागि शैक्षिक तथा खेलकुद सामाग्री सहयोग गरेको हो।

बिद्यालयका प्रधानाध्यपक सहित शिक्षकहरु, प्रयास नेपाल धादिङका अध्यक्ष विर बहादुर श्रेष्ठ, उपाध्यक्ष उषा बिक, निवर्तमान अध्यक्ष रेष्टन कडेल, कार्यकारी निर्देशक दामोदर अर्याल, प्रयास नेपाल धादिङका कर्मचारीहरुको उपस्थितीमा सामाग्री सहयोग गरिएको हो।

प्रयास नेपालले जिल्लामा विभिन्न साझेदार संस्थाहरुको साझेदारीमा संस्थाको स्थापना भए देखि हाल सम्म शिक्षा, संरक्षण, जिविकोपार्जन, बाल अधिकार, सुशासन, खानेपानी तथा सरसफाई लगायतका बिषयगत क्षेत्रमा केन्द्रित भई स्थानीय सरकारहरुसँगको समन्वय र सहकार्य तथा विकास साझेदारसँग साझेदारीमा सामुदायिक विकासका कार्यहरु गर्दै आएको कार्यकारी निर्देशक दामोदर अर्यालले जानकारी गराउनु भएको थियो।

संस्थाले हरेक कार्यक्रम तथा आफ्ना गतिविधीहरु संचालन गर्दा र सेवा प्रवाह गर्दा पारदर्शिता, जवाफदेहिता, बिश्वसनियता र संस्थामा सुशासन र जसको सवाल उसको सहभागीताका पक्षहरुमा बिशेष ख्याल गर्ने गरेको अध्यक्ष विर बहादुर श्रेष्ठले बताउनु भयो।

स्थापना दिवसको अवसरमा २४ बर्ष सम्म संस्थालाई साथ सहयोग, सल्लाह, सहकार्य गर्ने व्यक्ति, स्थानीय तह,सरकारी कार्यालय,संचारकर्मी तथा संचारगृहलाई र विकास साझेदार संस्थाहरु,लक्षित बर्गलाई धन्यावाद ज्ञापन गरिएको प्रयास नेपालकी सदस्य रुपा कट्टेल जानकारी दिनुभयो।

आजको पत्रपत्रिकाबाट

ताजा अपडेट

खोजी गर्नुहोस