धादिङ । गजुरी गाउँपालिका-२ बिप्लप सामुदायिक जंगलमा लागेको आगो गाउँ पस्दा २ घर र २ गोठ जलेर नष्ट भएको छ।
शनिबार दिउँसो करिब ३ः४५ बजेको समयमा जंगलमा लागेको आगोले गजुरी-२ को बिप्लप माथिल्लो गाउँका चनमती बिकको ढुङ्गा माटोले बनेको जस्ताले छाएको एक तले कच्ची घर र गोठ,सोही ठाउँका खुम राज बिकको ढुङ्गा माटोले बनेको जस्ताले छाएको एक तले कच्ची घर र गोठ जलेर नष्ट भएको प्रहरीले जनाएको छ।
आगलागी बाट मानवयि क्षति भने भएको छैन।
प्रहरीका अनुसार चनमती बिकको ३ वटा बाख्रा जलेर मृत्यु भएको घरमा रहेका सबै सामाग्री जलेर नष्ट भएको छ।
प्रहरी चौकी मलेखुबाट खटिएको प्रहरी र स्थानियको सहयोगमा आगो नियन्त्रणमा लिईएको प्रहरीले जनाएको छ।
धादिङ आवाज डट कम - विकास विचार र ताजा समाचारको स्वतन्त्र खुराक
