काठमाण्डौ ।ग्यासको भाउ सिलिन्डरमा १२ रुपैयाँ ७५ पैसा बढाउने सहमति भएको छ।
सिंहदरबारमा रहेको उद्योग, वाणिज्य तथा आपूर्ति मन्त्रालयमा आज भएको सरकार र नेपाल एलपी ग्यास उद्योग सङ्घबीच ग्यासको भाउ १२ रुपैयाँ ७५ पैसा बढाउने सहमति भएको हो।
सरकार र सङ्घबीच पाँच बुँदे सहमति भएको छ ।यो सँगै उद्योगीले आन्दोलन फिर्ता लिएका छन् ।
ग्यास उद्योगको बाह्य ढुवानी भाडा, आन्तरिक ढुवानी भाडा, सञ्चालन तथा प्रशासनिक खर्च रकममा समायोजन गरी साविकको खर्चमा प्रतिसिलिन्डर १२ रुपैयाँ ७५ पैसाले वृद्धि गरेको सहमतिको १ नम्बर बुँदामा भनिएको छ।
सहमतिसँगै अब ग्यासको भाउ प्रतिसिलिन्डर १ हजार ९ सय १० रुपैयाँबाट बढेर १ हजार ९ सय २२ रुपैयाँ ७५ पैसा पुगेको छ।
धादिङ आवाज डट कम - विकास विचार र ताजा समाचारको स्वतन्त्र खुराक
