धादिङ–श्रोत परिचालन बचत तथा ऋण सहकारी संस्था लिमिटेड धादिङको २६औँ बार्षिक साधारण सभाको अवसरमा २९ जनाले रक्तदान गरेका छन्।
शुक्रबार त्रिपुरासुन्दरी–२ स्थित सल्यान्टार सेवा केन्द्रमा साकोसको आयोजना तथा लायन्स क्लव अफ काठमाडौँ ब्लड सर्कलको सहकार्यमा भएको रक्तदान कार्यक्रममा ८ जना महिला र २१ जना पुरुष गरी २९ जनाले रक्तदान गरेको नेपाल रेडक्रस सोसाइटी धादिङ शाखाका कोषाध्यक्ष नारायण कुमार श्रेष्ठले जानकारी दिनुभयो।
रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो।
साधारण सभाकै अवसरमा १७ गते बुधबार गल्छी गाउँपालिका–७ स्थित कैलाश सेवा केन्द्रमा पनि रत्तदान कार्यक्रम हुने श्रेष्ठले जानकारी दिनुभयो।
जिल्लामा अभियानकै रुपमा रक्तदान कार्यक्रम आयोजना गरिदै आएको छ।रगतको अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव,सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको धादिङ रेडक्रसका कोषाध्यक्ष श्रेष्ठले बताउनुभयो।
पाविल प्रकाशन प्रालि द्धारा संचालित
धादिङ आवाज डट कम Dhading awaj.com
नीलकण्ठ नगरपालिका वडा नं ३ धादिङ
०१०५२०६१५ ,९८५११६६३७१ ,९८५११२८२२८
सुचना विभाग दर्ता नम्बर: | ३६२५ -२०७९/०८० |
प्रेस काउन्सिल सुचिकरण: | - |
संचालक: | दामोदर अर्याल |
सम्पादक: | सुनिता कडेल |