धादिङ। पृथ्वीराजमार्ग अन्तरगत धादिङको गल्छी गाउंपालिका–६ चिरौदी पुलमा गुडिरहेको कारमाथि पहिरो खसेको छ।

आज काठमाण्डौबाट चितवनतर्फ जाँदै गरेको बा १ ञ १५०९ नम्बरको कारमाथि सुख्खा पहिरोे खसेको जिल्ला प्रहरी कार्यालय धादिङले जनाएको छ।

पहिरोले कारको आधा भाग पुरेको र कार पुर्ण रुपमा क्षति भएको प्रहरीले जनाएको छ । प्रहरीका अनुसार कारमा सवार ४ जना सकुशल छन्।

पुरिएको कार निकाली प्रहरी चौकी बैरेनीमा राखिएको र हाल सडकमा कुनै अबरोध नभएको प्रहरीले जनाएको छ।