धादिङ । सिद्धलेक गाउँपालिका–५ चेक्वाङ स्थित बाग्बच्छला मन्दिरमा भएको श्रीमदभागवत एकाह ज्ञान महायज्ञमा २५ लाख भन्दा बढि रकम संकलन भएको छ।
बाग्बच्छलादेवी माई मन्दिर संरक्षण समितिको आयोजनामा मन्दिरको चौतर्फी विकास एवं पर्यटन प्रर्वद्धनको लागि सोमबार भएको संगीतमय श्रीमद्भागवत एकाह ज्ञान महायज्ञबाट २५ लाख भन्दा बढि रकम संकलन भएको मन्दिर संरक्षण समितिका अध्यक्ष बुद्ध गुरुङले जानकारी दिनुभयो ।
मन्दिर संरक्षण समितिका अध्यक्ष गुरुङको अध्यक्षतामा भएको औपचारिक कार्यक्रममा सिद्धलेक गाउँपालिका अध्यक्ष परशुराम खतिवडाको प्रमुख आतिथ्यता, राष्ट्रिय भूमि आयोगका अध्यक्ष कृष्ण अर्याल गाउँपालिका उपाध्यक्ष सविता अर्याल, वडा नं ५ का वडाध्यक्ष बुधे घलेको विशेष आतिथ्यता तथा बिभिन्न राजनितिक दलका प्रमुख एवम प्रतिनिधी, समाजसेवी लगाएतको आतिथ्यता रहेको थियो ।
कार्यक्रमलाई सम्बोधन गर्दै गाउँपालिका अध्यक्ष खतिवडाले मन्दिरको विकासको लागि आफ्नो व्यक्तिगत तर्फबाट एक महिनाको तलब दिने घोषणा गर्नुभएको छ। साथै पालिकाबाट निर्णय गरेर ७ लाख बजेट विनियोजन गर्ने पनि बताउनुभयो । यस्तै उपाध्यक्ष सविता अर्यालले २१ हजार सहयोग गर्नुभयो भने वडा नं ५ का वडाध्यक्ष बुधे घलेले वडाबाट २ लाख सहयोग गर्ने बताउनुभएको छ ।
महायज्ञको लागि देश तथा विदेशमा रहेका नेपालीहरुले सहयोग गर्नुभएको थियो ।
आर्थिक संकलन गरी मन्दिर कोष स्थापना गर्ने उद्देश्य र मन्दिर गेटदेखि सिढी निर्माण, भजन मण्डली भवन निर्माण, मन्दिर परिसरको सडक निर्माण, विदुत लाईन विस्तार र खानेपानी व्यवस्थापन गर्ने योजना सहित महायज्ञ आयोजना गरिएको गुरुङले बताउनुभयो ।
महायज्ञमा रु. १ देखि ४९९ सम्म दानपेटिमा दान गर्ने, रु. ५०० देखि ९९९ सम्म (रसिद,खादा), रु. १००० देखि २९९९ सम्म (रसिद,खादा सहित सामाजिक सञ्जालमा फोटो), रु. ३००० देखि ४९९९ सम्म (रसिद, खादा,सामाजिक सञ्जालमा फोटो सहित फ्रेममा सम्मान पत्र) ले सम्मान गरिएको थियो ।
यस्तै रु. ५००० देखि २०००० सम्म (रसिद, खादा,सामाजिक सञ्जालमा फोटो,फ्रेममा सम्मान पत्रसहित सिलामा नाम) लेखिने र रु. २५००१ देखि ३०००० सम्म (रसिद, खादा,सामाजिक सञ्जालमा फोटो,फ्रेममा सम्मान पत्रसहित सिलामा नाम र दोसल्ला)ले सम्मान सम्मान गरिएको थियो ।
यसैगरी रु. ३०००१ देखि ४०००० सम्म ((रसिद, खादा,सामाजिक सञ्जालमा फोटो, फ्रेममा सम्मान पत्रसहित सिलामा नाम र दोसल्लासहित ताम्र पत्रमा नाम लेखिएको छ ।
महायज्ञमा गुरु विष्णु प्रसाद सुवेदी र लक्ष्मीकान्त खतिवडाको मुखाराविन्दुबाट भजन कृतन सहितको प्रवचन भएको थियो ।
अन्दाजी १५ हेक्टर सालको घना जङगलको विचको थाप्लोमा रहेको, धार्मिक तथा सांस्कृतिक महत्व बोकेको वाग्वच्छला देवी माईमा हरेक बर्ष मंसिर पूर्णिमाको दिन मेला लाग्ने गर्दछ।
पाविल प्रकाशन प्रालि द्धारा संचालित
धादिङ आवाज डट कम Dhading awaj.com
नीलकण्ठ नगरपालिका वडा नं ३ धादिङ
०१०५२०६१५ ,९८५११६६३७१ ,९८५११२८२२८
सुचना विभाग दर्ता नम्बर: | ३६२५ -२०७९/०८० |
प्रेस काउन्सिल सुचिकरण: | - |
संचालक: | दामोदर अर्याल |
सम्पादक: | सुनिता कडेल |